අද (22) පෙරවරුවේ සිට වර්ජනයේ නිරත තැපැල් වෘත්තීය සමිති කොළඹ පිහිටි මධ්ය තැපැල් හුවමාරුව ඉදිරිපිට සත්යග්රහයක් ආරම්භ කර තිබෙනවා .
මෙම සත්යග්රහය හේතුවෙන් මධ්ය තැපැල් හුවමාරුව අවට විශේෂ පොලිස් ආරක්ෂාවක් ද යොදවා ඇති බව සඳහන්.
එම සත්යග්රහය සඳහා ලංකා ගුරු සංගමය, කම්කරු අරගල මධ්යස්ථානය ඇතුළු වෘත්තීය සමිති කිහිපයක නියෝජිතයින් ද එක්ව සිටින බවයි සඳහන් වන්නේ.
මේ අතර තැපැල්පති රුවන් සත්කුමාර මහතා විසින් නිවේදනයක් නිකුත් කරමින් අද දිනයේ සේවයට නොපැමිණෙන සියලු තැපැල් සේවකයින් තනතුර අතහැර ගියා සේ සලකා කටයුතු කිරීමට සිදුවන බව පවසා සිටිනවා .
එමෙන්ම සියලු තැපැල් සේවකයින්ගේ නිවාඩු පසුගිය 17 වනදා සිට අවලංගු වන බැවින් විධිමත් නිවාඩු අනුමැතියකින් තොරව සේවයට වාර්තා නොකරන තැපැල් සේවකයින්ට මෙම මස වැටුප් නොගෙවීමට තීරණය කර ඇති බවයි තැපැල්පති රුවන් සත්කුමාර මහතා සඳහන් කර සිටින්නේ .
ඒ අනුව මාසික වැටුප අවශ්යනම් වහාම සේවයට වාර්තා කරන ලෙස වර්ජනයේ නිරත සියලු තැපැල් සේවකයින්ගෙන් තැපැල්පතිවරයා ඉල්ලා සිටිනවා .
