අමෙරිකාවේ යුටා ප්රාන්තයේ විශ්වවිද්යාලයක පැවති උත්සවයක් අතරතුර අමෙරිකාවේ කන්සර්වේටිව් පක්ෂයේ ප්රබල දේශපාලන ක්රියාකරුවෙකු වු චාලි කර්ක් වෙඩි තබා ඝාතනය කර තිබෙනවා .
අමෙරිකානු ජනාධිපති ඩොනල්ඩ් ට්රම්ප්ගේ ජනාධිපතිවරණ සටන වෙනුවෙන් පෙරමුණ ගෙන ක්රියාකළ තරුණ දේශපාලන ක්රියාකරුවෙකු වන චාලී කර්ක් එරට විශ්වවිද්යාලවල එළිමහන් විවාද පැවැත්වීම සම්බන්ධයෙන් විශාල ප්රසිද්ධියක් උසුලනවා .
මෙම ඝාතනය සම්බන්ධයෙන් අමෙරිකානු ජනාධිපති ඩොනල්ඩ් ට්රම්ප් ද සිය සංවේගය පල කර ඇති අතර චාලී කර්ක් ඝාතනය වන විට 31 හැවිරිදි වියේ පසු වුණා .
එමෙන්ම අමෙරිකා එක්සත් ජනපදයේ ධජ ලබන ඉරිදා සවස 6.00 වන තෙක් අඩකුඹු කිරීමට ද ජනාධිපතිවරයා නියෝග කර ඇති බව වාර්තා වී තිබෙනවා .
මෙම ඝාතනය සම්බන්ධයෙන් මෙතෙක් නිශ්චිත තොරතුරු අනාවරණය වී නොමැති අතර අමෙරිකානු බුද්ධි අංශ ඒ සම්බන්ධයෙන් විමර්ශන ආරම්භ කර ඇති බව විදෙස් මාධ්ය වාර්තා කර සිටියා .
