ගුවන් තොටුපළ හා ගුවන් සේවා (ශ්රී ලංකා) (පෞද්ගලික) සමාගමෙහි සහ ශ්රීලංකන් ගුවන් සමාගමෙහි පසුගිය කාලයේදි සිදු වී ඇති වංචා, දූෂණ සහ අක්රමිකතා සම්බන්ධයෙන් සෙවීම සඳහා ජනාධිපති විශේෂ විමර්ශන කමිටුවක් පත් කරනු ලැබුවා .
ඒ අනුව ගුවන් තොටුපොළ හා ගුවන් සේවා (ශ්රී ලංකා) (පෞද්ගලික) සමාගමෙහි සහ ශ්රී ලංකන් ගුවන් සමාගමෙහි සේව්ය, සේවකයින්, මහජනතාව ඇතුළු පාර්ශ්වයන්ගේ පැමිණිලි, අදහස් සහ යෝජනා ලබා ගැනීමට කමිටුව අපේක්ෂා කරයි .
මේ සම්බන්ධයෙන් උනන්දුවක් දක්වන පුද්ගලයන්, ආයතන 2025 සැප්තැම්බර් 05 දිනට පෙර psicairport@gmail.com ඊමේල් (Email) ලිපිනයට හෝ 070-3307700 Whatsapp අංකයට තමන්ගේ ඉල්ලීම යොමු කර දිනයක් සහ වේලාවක් වෙන් කර ගන්නා ලෙස ජනාධිපති විශේෂ විමර්ශන කමිටුව දන්වා සිටිනවා .
ජනාධිපති අනුර කුමාර දිසානායක මහතා විසින් 2025 ජූනි 30 දින ඉදිරිපත් කරන ලද අමාත්ය මණ්ඩල සංදේශය අනුව 2025 ජූලි 01 දිනැතිව ගනු ලැබු අංක 25/1145/801/018 දරන අමාත්ය මණ්ඩල තීරණය ප්රකාරව ගුවන් තොටුපළ හා ගුවන් සේවා (ශ්රී ලංකා) (පෞද්ගලික) සමාගමෙහි සහ ශ්රී ලංකන් ගුවන් සමාගමෙහි පසුගිය කාලයේදි සිදු වී ඇති වංචා, දූෂණ සහ අක්රමිකතා සම්බන්ධයෙන් සෙවීමට ජනාධිපති විශේෂ විමර්ශන කමිටුව පිහිටුවන ලදී.
