අද (02) උදෑසන 08 සිට හෙට උදෑසන 08 දක්වා රත්නපුර ශික්ෂණ රෝහලේ සංකේත වැඩවර්ජනයක නිරත වීමට රජයේ වෛද්ය නිලධාරීන්ගේ සංගමය තීරණය කර තිබෙනවා .රෝහල් අධ්යක්ෂවරයාගේ ක්රියාකලාපයට විරෝධය පළකරමින් මෙම සංකේත වැඩවර්ජනය සිදු කරන බවයි සඳහන් වන්නේ .
රජයේ වෛද්ය නිලධාරීන්ගේ සංගමය පෙන්වා දෙන්නේ මෙම ගැටලුව සම්බන්ධයෙන් අවශ්ය පියවර ගන්නා බවට සෞඛ්ය අමාත්යංශය මීට පෙර එකඟතාව පළකර තිබුණ ද එම එකඟතාවයන් ක්රියාත්මක කිරීමට බලධාරීන් අපොහොසත් වී ඇති බව යි.
රෝහල තුළ හදිසි සහ ජීවිතාරක්ෂක ප්රතිකාර සේවා එලෙසම පවත්වාගෙන යනු ලබන අතර දෛනික ප්රතිකාර සේවාවන් සියල්ල අඩාල වනු ඇති බව රජයේ වෛද්ය නිලධාරීන්ගේ සංගමය සඳහන් කර සිටියා .
මේ අතර සිය ගැටලු විසඳීම සඳහා බලධාරීන් පියවර නොගතහොත් ඉදිරියේ දී වෘත්තීය සමිති ක්රියාමාර්ගවල නිරත වන බව විශ්වවිද්යාල ආචාර්යවරුන්ගේ සමිති සම්මේලනය පවසනවා .
සිය ගැටලු සම්බන්ධයෙන් සාකච්ඡා කිරීමට අවස්ථාවක් ලබාදෙන ලෙස ජනාධිපතිවරයාගෙන් ද ඉල්ලීමක් කරන බව එහි ලේකම් ජ්යෙෂ්ඨ කථිකාචාර්ය චාරුදත්ත ඉලංගසිංහ මහතා සඳහන් කර සිටියා .
