රට තුළ පවතින දැඩි වියළි කාලගුණික තත්ත්වය හමුවේ ඉදිරි සති දෙක තුන ඇතුළත දිනකට පැය කිහිපයකට ජල සැපයුම සීමා කිරීමට (Water Cuts) සිදුවනු ඇතැයි ජාතික ජල සම්පාදන හා ජලාපවහන මණ්ඩලයේ සභාපති, ඉංජිනේරු චන්දන බණ්ඩාර මහතා අද විශේෂ ප්රකාශයක් කරමින් පැවසීය.
දැනට සැලසුම් කළ ජල කප්පාදුවක් ක්රියාත්මක නොවුණද, පවතින නියඟය දිගටම පැවතුණහොත් දවසේ පැය 24 පුරා ජලය ලබාදීම අසීරු වන බව ඔහු පෙන්වා දෙයි.
අඹතලේ ඇතුළු ප්රධාන පවිත්රාගාරවල නිෂ්පාදන ධාරිතාවට මෙතෙක් බාධා මතුව නැත.
එහෙත්, අධික ජල පරිභෝජනය නිසා උස්බිම් ප්රදේශවලට ජලය ලැබීමේදී දැනටමත් අඩු පීඩන (Low pressure) තත්ත්වයක් හටගෙන ඇත.
ජල සැපයුම අඩාල වී ඇති ප්රදේශ සඳහා මේ වන විටත් බවුසර් රථ යොදා ගනිමින් ජලය බෙදාහැරීමට මණ්ඩලය පියවර ගෙන තිබේ.
ඉදිරි කාලයේදී වැසි බලාපොරොත්තු වන නමුත්, පවතින ජල ධාරිතාවය අරපිරිමැස්මෙන් තොරව භාවිතා කිරීමෙන් වළකින ලෙසත්, නාස්තිය අවම කරන ලෙසත් සභාපතිවරයා ජනතාවගෙන් කාරුණිකව ඉල්ලා සිටියි.
