සටන් විරාමයක් සඳහා ඩොන්බාස් කලාපය අත්හැරීමට රුසියානු යෝජනාව යුක්‍රේනය ප්‍රතික්ෂේප කරන බව ජනාධිපති වොලොදිමීර් සෙලෙන්ස්කි පවසා තිබෙනවා .
සාම ගිවිසුමකට එළැඹීමේ දී භූමිය සම්බන්ධ එකඟතාවකට එළැඹිය හැකි බවට අමෙරිකානු ජනාධිපති ඩොනල්ඩ් ට්‍රම්ප් පවසා ඇති බවත්, කියුව් මඟින් පාලනය කරන ඩොන්බාස් හි කොටස් යටත් කළ යුතු බවත් රුසියානු ජනාධිපතිවරයා ඉල්ලීමක් කර ඇති බවත් විදෙස් මාධ්‍ය වාර්තා කර සිටියා.
මේ අතර රුසියානු හමුදා යුක්‍රේන එරෙහිව අඛණ්ඩව ප්‍රහාර දියත් කරමින් සිටින බවට යුක්‍රේන ජනාධිපතිවරයා චෝදනා කර ඇති බව ද සඳහන්.
ලුහාන්ස්ක් සහ ඩොනෙට්ස්ක් හි නැගෙනහිර ප්‍රදේශවලින් සැදුම්ලත් ඩොන්බාස් ප්‍රදේශයේ කොටසක් මේවනවිටත් රුසියානු පාලනට යටත්ව ඇති අතර රුසියාව ලුහාන්ස්ක් සියලු ප්‍රදේශ සහ ඩොනෙට්ස්ක් වලින් 70%ක් පමණ අල්ලාගෙන ඇත.
කෙසේ වෙතත් යුක්‍රේනයේ දේශ සීමා බලහත්කාරයෙන් වෙනස් නොකළ යුතු බව යුරෝපා සංගම් නායකයින් ද ප්‍රකාශ කර ඇති බව විදෙස් වාර්තා පවසා සිටියා.
