ඩෙල්ටා ගුවන්සේවයට අයත් ගුවන්යානයක් ගුවන්ගත වී ටික වේලාවකට පසු එන්ජිමක ඇති වූ ගිනි ගැනීමක් හේතුවෙන් ලොස් ඇන්ජලීස් ජාත්‍යන්තර ගුවන්තොටුපොළට හදිසි ගොඩබෑමක් සිදුකර තිබෙනවා .
මෙම ගුවන් යානය බොයිං 767 මාදිලියට අයත් ගුවන්යානයක් වන අතර එය ඇට්ලන්ටා ගුවන්තොටුපොළ බලා පියාසර කිරීමට නියමිතව තිබුණා .
කෙසේ වෙතත් මෙම ගුවන් යානය ලොස් ඇන්ජලීස් ගුවන්තොටුපොළට ආරක්ෂිතව ගොඩබස්සවා ඇති බව විදෙස් මාධ්‍ය වාර්තා කර සිටියා .
මෙම අනතුර හේතුවෙන් කිසිවෙකුටත් හානි සිදුව නොමැති අතර ගුවන්තොටුපොළ ගිනි නිවන භටයින් විසින් ගින්න මැඩපැවැත්වීමට කටයුතු කර තිබුණා .
