ඊශ්‍රායලයේ Kiryat Malakhi ප්‍රදේශයට ආසන්නයේ ඊයේ (18) උදැසන තම සේවා කටයුතු සඳහා ගමන් කරමින් සිටි එරට කෘෂිකාර්මික සේවයේ නිරත ශ්‍රී ලංකික තරුණයින් රැගත් බස් රථයක් හදිසි ගිනිගැනීමකට ලක්ව ඇති බව එරට ශ්‍රී ලංකා තානාපති නිමල් බණ්ඩාර මහතා පවසා සිටියා.
මෙම අනතුරින් බස් රථය සම්පූර්ණයෙන්ම විනාශ වී ඇති අතර අනතුර සිදුවන අවස්ථාවේ ශ්‍රී ලාංකිකයන් 20 දෙනෙකු එහි සිට ඇත .
බස් රථය ගිනි ගැනීමේ දී එහි දොර අවහිරවීම මත එහි සිටි පිරිස එහි ජනෙල් කඩා ඉන් ඉවත්වී ඇති අතර අනතුරෙන් පාදයක් තුවාල වූ එක් අයෙකු රෝහල් ගතකර ඇත.
කෙසේ වෙතත් ඔහුගේ තත්ත්වය ද බරපතළ නොවන බව සඳහන්.
එමෙන්ම අදාළ සමාගම ද ඔවුන්ගේ කටයුතු පිළිබඳව සොයා බලන බවත්, අනෙකුත් පිරිස සුපුරුදු පරිදි තම කටයුතුවල නිරත බවත් නිමල් බණ්ඩාර මහතා වැඩිදුරටත් සඳහන් කර සිටියා .
