වැල්ලවාය හඳපානාගලින් ඇසෙන මේ පුවත ඕනෑම කෙනෙකුගේ දෑසට කඳුළක් උනන තරම් සංවේදියි.
ඒ අම්මා තාත්තා වෙනුවෙන් පණ වුණත් දෙන්න සූදානම් වුණු ආදරණීය දියණියකගේ කතාවක්…
ඇය නමින් චමෝදි මල්ශානි. වයස අවුරුදු 23 යි.
ඊයේ සවස වැල්ලවායට වැස්ස වැටෙද්දී චමෝදිගේ හිත තිබුණේ ගෙදර නෙවෙයි, ඒ වෙලාවේ හේනේ වැඩ කරමින් සිටි තමන්ගේ අම්මා සහ තාත්තා ළඟ.
වැස්සේ තෙමිලා අම්මටයි තාත්තටයි අසනීප වෙයි කියලා බය වුණු මේ දියණිය, කුඩයක් අරගෙන හේනට දිව ගියේ ඔවුන්ව ආරක්ෂිතව ගෙදරට කැඳවාගෙන එන්නයි.
නමුත් ඇය කුඩයත් අරගෙන ඒ දෙනොළඟට යන්නටත් පෙර, අහසින් කඩා වැදුණු අකුණු සැරයක් ඒ ආදරණීය දියණියගේ ජීවිතය බිලිගත්තා.
අම්මයි තාත්තයි ඇස් පනාපිටම චමෝදි නිසල දේහයක් බවට පත් වුණා.
වැස්සෙන් බේරගන්න ආපු දියණියගේ දේහය අරන් අම්මටයි තාත්තටයි වැස්සේම ගෙදර එන්න වුණා.
මව්පිය සෙනෙහසට අකුණු සැර වැදුණු ඒ අවාසනාවන්ත මොහොත මුළු හඳපානාගලම කඳුළු සාගරයක් කළා.
