හෙට උෂ්ණත්වය තවත් ඉහළට! දිස්ත්රික්ක රැසකට කාලගුණයෙන් අනතුරු ඇඟවීම්!
දිවයිනේ ප්රදේශ කිහිපයක මිනිස් සිරුරට දැනෙන උෂ්ණත්වය හෙට (08) දිනයේදී ‘අවධානය යොමු කළ යුතු’ මට්ටම දක්වා ඉහළ යා හැකි බව කාලගුණ විද්යා දෙපාර්තමේන්තුව විශේෂ නිවේදනයක් නිකුත් කරමින් පවසනවා.
කාලගුණ විද්යා දෙපාර්තමේන්තුවේ දත්තයන්ට අනුව, සබරගමුව, වයඹ සහ උතුරු මැද පළාත්වලත්, කොළඹ, ගම්පහ, වවුනියාව, මන්නාරම, හම්බන්තොට සහ මොනරාගල දිස්ත්රික්කවලත් ඇතැම් ස්ථානවලට මෙම තද උණුසුම් කාලගුණය බලපානු ඇත.
උෂ්ණත්වය ඉහළ යාම නිසා ඇතිවිය හැකි විජලනය සහ සෞඛ්ය ගැටලුවලින් බේරීම සඳහා සෞඛ්ය අංශ විසින් මහජනතාවට විශේෂ උපදෙස් මාලාවක් නිකුත් කර තිබේ:
ජලය වැඩිපුර පානය කරන්න: පිපාසය දැනෙන තෙක් නොසිට නිතර නිතර පිරිසිදු ජලය පානය කරන්න.
සෙවණ සහිත ස්ථාන: හැකිතාක් සෙවණ ඇති ස්ථානවල රැඳී සිටින්න. එළිමහනේ වෙහෙසකාරී වැඩ කටයුතු සීමා කරන්න.
ඇඳුම් පැළඳුම්: සුදු හෝ ලා පැහැති, සැහැල්ලු කපු ඇඳුම් ඇඳීමට උනන්දු වන්න.
වැඩිහිටි හා ළමා රැකවරණය: කුඩා දරුවන්, වැඩිහිටියන් සහ රෝගී පුද්ගලයන් පිළිබඳව විශේෂ අවධානයක් යොමු කරන්න. ඔවුන්ව කිසිම විටක සංවෘත වාහන තුළ තනි කර නොයන්න.
අධික උණුසුම නිසා හටගන්නා මාංශපේශී පෙරළීම්, තදබල විඩාව සහ “Heat Stroke” වැනි තත්ත්වයන් පිළිබඳව අවධානයෙන් සිටින ලෙසත්, යම් අපහසුතාවයක් දැනේ නම් වහාම වෛද්ය උපදෙස් ලබාගන්නා ලෙසත් ජනතාවගෙන් ඉල්ලා සිටිනු ලැබේ.
