හැටන් දික්ඔය නගර සභාවේ තාවකාලිකව ව්යාපාර කටයුතු කිරිමට වෙන්කළ ඉඩම් කැබලි 146ක් ටෙන්ඩර් කිරීමෙන් නගර සභාවට රුපියල් ලක්ෂ 36 (රු. 36,68000)කට වැඩි ආදායමක් උපයාගැනීමට හැකිව තිබෙන බව අදාළ ටෙන්ඩර් කැඳවීම පිළිබඳ අදහස් දක්වමින් හැටන් දික්ඔය නගර සභාවේ සභාපති අසෝක කරුණාරත්න මහතා මේ බව සඳහන් කර සිටියා .
දීපාවලී උත්සව සමයේ දී හැටන් නගරය තුළ පදික වේදිකාවේ වෙළදාම් කිරිමට අවසර නොමැති අතර, ඒ සඳහා හැටන් තරු චතුරශ්රයේ සහ ශක්ති ශාලාව අසළ භූමිය ව්යාපාර කටයුතු කිරිම සඳහා වෙන්කර තිබෙනවා .
එම ඉඩම් කැබලි සඳහා රජයේ තක්සේරු දෙපාර්තමේන්තුවෙන් වාර්ථාවක් කැඳවා ටෙන්ඩර් පත් කැඳවා තිබෙන අතර එසේ කැදවූ ටෙන්ඩර් පත් ඊයේ නගර සභාවේ ලේකම් ශ්යාමලී රූපසිංහ, මුදල් කමිටුවේ මන්ත්රීවරුන්ගේ අධීක්ෂණය යටතේ විවෘත කිරිමෙන් අනතුරුව මෙම ආදායම උපයා ගැනීමට හැකියාව ලැබී තිබෙනවා .
මෙම ටෙන්ඩර් පත් මගින් තාවකාලිකව ව්යාපාර කටයුතු කිරිමට ඉඩම් ලබාගත් අයගෙන් එම ටෙන්ඩර් මුදලට අමතරව කැලි කසල බද්ද සහ ව්යාපාරික බද්දක් අයකර ඇති අතර, නගර සභාව විසින් ලබාදෙන නිර්ණායක යටතේ ව්යාපාර කටයුතු සිදු කල යුතුයි.
