ඊයේ (26) සවස් කාලයේ පහරදීමක් හේතුවෙන් බරපතළ තුවාල සහිතව කාන්තාවක් මුල්ලේරියාව රෝහලට ඇතුළත් කිරීමෙන් අනතුරුව මියගොස් තිබෙනවා .
වැලිකඩ පොලිස් වසමේ අංගොඩ ප්රදේශයේදී පහරදීමේ සිදුවීම වාර්තා වී ඇති අතර මෙලෙස මියගොස් ඇත්තේ වයස අවුරුදු 65ක් වූ අංගොඩ ප්රදේශයේ පදිංචිකාරියකි.
සිද්ධියට සම්බන්ධ සැකකරු අසල්වාසී පුද්ගලයෙකු වන අතර මියගිය කාන්තාව සහ සැකකරු එකම ආයතනයක පිරිසිදු කිරීමේ රැකියාවක් සිදුකරමින් සිට ඇති බවයි සඳහන් වන්නේ .
දැනට සිදුකරන ලද විමර්ශනයේදී අනාවරණය වී ඇත්තේ ඇතිවූ ආරවුලක් හේතුවෙන් සැකකරු විසින් අදාළ කාන්තාවගේ නිවසේදී ආයුධයකින් පහරදී මෙම ඝාතනය සිදුකර ඇති බවයි .
ඝාතනයට ලක් වූ කාන්තාවගේ මෘතශරීරය මුල්ලේරියාව රෝහලේ මෘතශරීරාගාරයේ තැන්පත් කර ඇති අතර සිද්ධියට සම්බන්ධ සැකකරු අත්අඩංගුවට ගෙන ඇත.
සිද්ධිය සම්බන්ධයෙන් වැලිකඩ පොලීසිය වැඩිදුර විමර්ශන සිදු කරනු ලබනවා .
