වහාම ක්රියාත්මක වන පරිදි නැවත දැනුම්දෙනතුරු විදුලිබල මණ්ඩලයේ සියලු සේවකයින්ගේ නිවාඩු අවලංගු කර තිබෙනවා . එහි සාමාන්යාධිකාරීවරයා විසින් මේ බව ලිඛිතව දැනුම් දී ඇති බවයි සඳහන් වන්නේ .
විදුලිබල සැපයීම සම්බන්ධ සියලු සේවා අත්යාවශ්ය සේවාවන් බවට ප්රකාශයට පත්කරමින් ජනපති නියමයෙන් අති විශේෂ ගැසට් නිවේදනයක් පසුගිය 21 වනදා නිකුත් කෙරුණා.
1979 අංක 61 දරන අත්යාවශ්ය මහජන සේවා පනතේ 2වන වගන්තිය ප්රකාරව ජනාධිපතිවරයාට පැවරී ඇති බලතල අනුව ජනාධිපති අනුර කුමාර දිසානායක මහතා මේ සඳහා අත්සන් තබා තිබෙනවා .
සාමාන්ය ජනජීවිතය පවත්වාගෙන යාම සඳහා අත්යාවශ්ය වන බව සහ එකී සේවාවන්ට අවහිරයක් හෝ බාධාවක් විය හැකි බව සැලකිල්ලට ගනිමින් මෙම ගැසට් පත්රය නිකුත්කර ඇති බවයි සඳහන් වන්නේ .
