මධ්යම අධිවේගී මාර්ගයේ මීරිගම පිවිසුම ආසන්නයේ දී ලොරි රථයක් සහ ඉන්ධන ප්රවාහනය කරමින් තිබූ බවුසරයක් එකිනෙක ගැටීමෙන් අනතුරක් සිදුව තිබෙනවා .
මෙම අනතුර හේතුවෙන් පුද්ගලයින්ජීවිතක්ෂයට පත් වී ඇති බව වාර්තා වී තිබෙනවා .
මධ්යම අධිවේගී මාර්ගයේ මීරිගම පිවිසුම ආසන්න 41 වැනි කිලෝමීටර් කණුවේදී මෙම අනතුර සිදුව තිබුණේ ඊයේ රාත්රී 11ට පමණ බව පොලීසිය සඳහන් කර සිටියා .
අනතුරින් ලොරි රථයේ රියැදුරා එම ස්ථානයේදීම ජීවිතක්ෂයට පත් ව ඇති අතර බරපතළ තුවාල ලබා සිටි බවුසරයේ සහායකයා රෝහල්ගත කිරීම සඳහා රැගෙන යන අතරතුර ජීවිතක්ෂයට පත්ව තිබෙනවා .
තුවාල ලබා සිටි බවුසරයේ රියැදුරා වතුපිටිවල මූලික රෝහලට ඇතුළත් කර තිබෙන අතර අනතුර හේතුවෙන් ලොරි රථය අධිවේගී මාර්ගයෙන් ඉවතට පෙරළී අති අතර, පසුව බවුසරයද ලොරිය මතට පෙරළී ගොස් තිබුණා .
