අද (08) උදෑසන 6ට පමණ හොරණ රෝහල හන්දිය අසලදී වෑන් රථයක් හා යතුරුපැදියක් මුහුණ ගැටීමෙන් අනතුරක් සිදුව තිබෙනවා .
අනතුරින් යතුරු පැදියේ ගමන් කළ අඹුසැමි යුවළ තුවාල ලබා හොරණ දිස්ත්රික් රෝහලට ඇතුළත් කිරීමෙන් පසු පිරිමි පුද්ගලයා මියගොස් ඇති බවයි සඳහන් වන්නේ .
මෙලෙස මියගොස් ඇත්තේ, බැල්ලපිටිය ප්රදේශයේ පදිංචිව සිටි ඔල්වින් ඉංද්රසිරි නමැති 75 හැවිරිදි වියේ පසුවූ දෙදරු පියෙකි.
මොරගහේන ප්රදේශයේ කර්මාන්තශාලාවක සේවකයින් ප්රවාහනය කරන වෑන් රථයක් හොරණ ප්රදේශයේ සිට අඟුරුවාතොට ප්රදේශයට ගමන් කරමින් සිටියදී අඟුරුවාතොට දෙස සිට සිල් සමාදන්වීම සඳහා ප්රදේශයේ විහාරස්ථානයකට යතුරුපැදියකින් ගමන් කරමින් සිටි අඹුසැමි යුවළක් හොරණ රෝහල මංසන්ධියෙන් දඅනතුරින් තුවාල ඇති අතර සිද්ධියෙන් පසු තුවාල ලැබු අඹුසැමි යුවළ හොරණ දිස්ත්රික් රෝහලට ඇතුළත් කිරීමෙන් පසු පිරිමි පුද්ගලයා මියගොස් ඇති බව පොලීසිය පැවසීය.
අනතුර සිදුවු මොහොතේ වෑන් රථය මියගිය පුද්ගලයා සමග මීටර් 32ක් පමණ ඉදිරියට ඇදී ගොස් ඇති අතර, අනතුරට හේතුව වෑන් රථයේ අධික වේගය බවයි පොලිස් පරීක්ෂණවලදී අනාවරණය වී ඇත්තේ .
අනතුර සම්බන්ධයෙන් වෑන් රථයේ රියදුරු අත්අඩංගුවට ගෙන ඇති අතර හොරණ පොලීසිය වැඩිදුර විමර්ශන සිදුකරනු ලබනවා .
