දිවයින පුරා ක්රියාත්මක වන පරිදි ශ්රී ලංකා පොලීසිය සිදුකරගෙන යනු ලබන අපරාධ හා මත්ද්රව්ය නිවාරණ මෙහෙයුම් වලින් ඊයේ (24) දිනයේ දී පුද්ගලයින් 1,006ක් සැකපිට අත්අඩංගුවට ගත් බව පොලීසිය සඳහන් කර සිටියා .
එමෙන්ම දිවයින පුරා අපරාධවලට සම්බන්ධ සැකකරුවන් අත්අඩංගුවට ගැනීම සිදු කරනු ලබන අතර ඒ අනුව කොට්ඨාස මට්ටමින් සියළුම ප්රාදේශීය පොලිස් ස්ථාන ආවරණය වන පරිදි විශේෂ මෙහෙයුම් ක්රියාත්මක කර තිබෙනවා .
මෙම මෙහෙයුම් වලට අදාලව ඊයේ (24) දිනයේ දී සැකපිට පුද්ගලයින් 1,006 අත්අඩංගුවට ගෙන ඇති අතර අපරාධ සම්බන්ධයෙන් සෘජුව හඳුනාගත් පුද්ගලයින් ගණන 31 පොලිසිය විසින් අත්අඩංගුවට ගෙන ඇත .
එසේම අත්අඩංගුවට ගෙන ඇති දින වරෙන්තුකරුවන් ගණන 378 වන අතර අත්අඩංගුවට ගෙන ඇති විවෘත වරෙන්තුකරුවන් ගණන 223 කි .
බීමත් රියදුරන් 63 ක් අත්අඩංගුවට ගෙන ඇති අතර අපරික්ෂාකාරි රිය පැදවීම් වලට අත්අඩංගුවට ගැනීම් 20 ක් සඳහන් වේ .
එසේම රථවාහන හා වෙනත් වැරදි සම්බන්ධයෙන් පුද්ගලයන් 4364 ක් අත්අඩංගුවට ගෙන ඇති බව සඳහන් .
