මෙරට පාසල් ළමුන්ගෙන් බහුලවම මත්ද්රව්ය සඳහා නැඹුරු වන්නේ බස්නාහිර පළාත තුළ සිටින ළමුන් බවට අනාවරණය වී ඇති බව අන්තරායකර ඖෂධ පාලක ජාතික මණ්ඩලය පවසනවා .
අන්තරායකර ඖෂධ පාලක ජාතික මණ්ඩලය වැඩිදුරටත් පවසා සිටින්නේ කොළඹ දිස්ත්රික්කය ඉන් ප්රධාන තැනක් ගන්නා අතර ග්රෑන්ඩ්පාස්, තොටලඟ, කොම්පඤ්ඤවීදිය, අඟුලාන, කෙසෙල්වත්ත, පානදුර, දෙහිවල, ගල්කිස්ස, හික්කඩුව ඇතුළු නගර රැසක අඩු ආදායම් ලාභි පවුල් ජීවත්වන ප්රදේශවල ළමුන් මත්ද්රව්ය සඳහා වැඩි නැඹුරුවක් දක්වන බවයි .
මීට අමතරව පාසල් ළමුන්ගෙන් බහුලවම මත්ද්රව්ය වෙත නැඹුරුවන ප්රදේශයක් ලෙස මහනුවර දිස්ත්රික්කයේ ඇතැම් ප්රදේශ ද හඳුනාගෙන ඇති බව වාර්තා වී තිබෙනවා .
එමෙන්ම ගම්පහ, කුරුණෑගල, අනුරාධපුරය, ගාල්ල, රත්නපුර සහ කළුතර දිස්ත්රික්කයන්ද අවදානම් සහිත බවට හඳුනාගෙන ඇති බව අන්තරායකර ඖෂධ පාලක ජාතික මණ්ඩලය සඳහන් කර සිටියා .
මිතුරන්ගේ බලපෑම පාසල් ළමුන් මත්ද්රව්ය සදහා යොමුවීමට බලපාන ප්රධාන කරුණක් ලෙස හඳුනාගෙන තිබෙන අතර මත්ද්රව්ය ප්රතිපත්ති පාසල තුළ ක්රියාත්මක නොවීම, පාසල් මත්ද්රව්ය නිවාරණ ප්රතිපත්තිය බලාත්මක කිරීම වෙනුවෙන් විදුහල්පති, කලාප අධ්යාපන කාර්යාල වැනි තැන්වල ඇති අඩු උනන්දුව යන කරුණු ද පාසල් ළමුන් මත්ද්රව්යවලට යොමුවීමට හේතු වී ඇති බව හඳුනා ගෙන තිබෙනවා .
