මෙරට සංචාර සඳහා පැමිණෙන විදේශිකයින්ට ස්වයං ප්රවාහන පහසුව සලසා ගැනීමට රියදුරු බලපත්ර නිකුත් කිරීමේ කවුළුවක් පසුගිය 3 වනදා කටුනායක බණ්ඩාරනායක ජාත්යන්තර ගුවන්තොටුපොළ පරිශ්රයේ ස්ථාපිත කෙරුණු අතර එම කාර්යාලය මඟින් විදේශ සංචාරකයින් 1,338 දෙනෙකු සඳහා රියදුරු බලපත්ර නිකුත් කර තිබෙනවා .
මෙම කවුළුව මෝටර්රථ ප්රවාහන දෙපාර්තමේන්තුව විසින් ස්ථාපනය කළ අතර මීට පෙර විදේශිකයින් විසින් රියදුරු බලපත්ර ලබාගැනීම වෙනුවෙන් වේරහැර පිහිටි මෝටර්රථ කොමසාරිස් කාර්යාලය වෙත පැමිණිය යුතුව තිබූ බව සඳහන්ය.
පසුගිය 3 වනදා සිට 17 වනදා දක්වා කාලය තුළ රියදුරු බලපත්ර 1,338ක් නිකුත් කර ඇති අතර ඉන් වැඩිම ප්රමාණයක් නිකුත් කර ඇත්තේ පසුගිය 7 වනදා බව මෝටර් රථ ප්රවාහන දෙපාර්තමේන්තුව පවසා සිටියා .
මේ අතර මෙරටට පැමිණෙන විදේශිකයන්ට රුපියල් 2,000ක් වැනි සුළු මුදලකට රියදුරු බලපත්ර නිකුත් කිරීම සම්බන්ධයෙන් විරෝධය පලකරන බව ශ්රී ලංකා සංචාරක රියදුරන්ගේ එකමුතුව සඳහන් කර සිටිනවා .
මේ හේතුවෙන් එම රැකියාවේ නිරත පිරිස් සඳහා දැඩි අසාධාරණයක් සිදුව ඇති බව ශ්රී ලංකා සංචාරක රියදුරන්ගේ එකමුතුවේ නියෝජිත අමිල කෝරලගේ මහතා පවසනවා .
