රුපියල් කෝටි 05කට අධික වටිනාකමින් යුත් කේරළ ගංජා තොගයක් සමඟ සැකකරුවන් දෙදෙනෙකු අත්අඩංගුවට ගෙන තිබෙනවා .
පොලිස්පතිවරයාගේ උපදෙස් මත දිවයින පුරා ක්රියාත්මක වනපරිදි ශ්රී ලංකා පොලීසිය සිදුකරන අපරාධ හා මත්ද්රව්ය නිවාරණ මෙහෙයුමට අදාළව මෙම වැටලීම සිදුකර තිබුණා .
ඒ අනුව, ඊයේ (15) සවස් කාලයේ වත්තල පොලිස් වසමේ බංගලාවත්ත ප්රදේශයේදී පොලිස් මත්ද්රව්ය කාර්යංශයේ නිලධාරීන්ට ලද තොරතුරක් මත වැටලීමක් සිදුකර තිබු අතර එහිදී කේරළ ගංජා කිලෝ 309 කට ආසන්න ප්රමාණයක් සන්තකයේ තබාගෙන සිටි සැකකරුවන් දෙදෙනෙකු අත්අඩංගුවට ගෙන තිබෙනවා .
මෙලෙස අත්අඩංගුවට ගත් සැකකරුවන් අවුරුදු 43 සහ 49ක් වන ග්රෑන්ඩ්පාස් ප්රදේශයේ පදිංචිකරුවන් බවයි සඳහන් වන්නේ .
සැකකරුවන් විසින් කුලී පදනම මත ලබාගත් නිවසක කාමරයක් තුළ සඟවා තිබිය දී මෙම කේරළ ගංජා තොගය පොලිස් භාරයට ගෙන තිබෙනවා .
සැකකරුවන් අද (16) දින වැලිසර මහෙස්ත්රාත් අධිකරණය වෙත ඉදිරිපත් කිරීමට නියමිතව ඇති අතර සිද්ධිය සම්බන්ධයෙන් පොලිස් මත්ද්රව්ය කාර්යාංශය වැඩිදුර විමර්ශන සිදු කරනු ලබනවා .
