අද පස්වරු 2.00න් පසුව දිවයිනේ පළාත් සහ දිස්ත්රික්ක කිහිපයකට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව නිවේදනය කරනවා.
බස්නාහිර, සබරගමුව, මධ්යම, වයඹ සහ ඌව පළාත්වලට මෙන්ම ගාල්ල, මාතර, මන්නාරම සහ අනුරාධපුර දිස්ත්රික්කවලට මෙලෙස වැසි ඇතිවීමේ වැඩි ඉඩකඩක් පවතින බව එම දෙපාර්තමේන්තුව සඳහන් කරයි.
විශේෂයෙන්ම සබරගමුව සහ මධ්යම පළාත්වලත්, ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර් 50 ඉක්මවූ තද වැසි ඇතිවිය හැකියි.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු මඟින් සිදුවන අනතුරු අවම කරගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් කාරුණිකව ඉල්ලා සිටියි.
