නීලගම මාර්ගයේදී අබිරහස් ලෙස අතුරුදන් වූ මැණික් ව්යාපාරිකයාගේ මළ සිරුර ඊයේ පතල් වළක තිබී හමුවී තිබේ.
පසුගිය 28 වනදා දහවල් කාලයේ සිට අතුරුදන්ව සිටි කහවත්ත, කට්ටංගේ ප්රදේශයේ පදිංචි 61 හැවිරිදි දෙදරු පියෙකු වන මෙම ව්යාපාරිකයා පිළිබඳව ප්රදේශය පුරා මහත් ආන්දෝලනයක් හටගෙන තිබුණි.
ව්යාපාරිකයා ගමන් කළ යතුරුපැදිය නීලගම මාර්ගයේ වංගුවක් අසල අතහැර දමා තිබියදී හමු වූ අතර ඔහුගේ ජංගම දුරකථනය එම මාර්ගය අසලම පිහිටි තේ වතුයායක තිබී සොයා ගැනිණි.
පසුව ඊයේ ඔහුගේ නිසල සිරුර පතල් වළක තිබී හමුවිය.
යතුරුපැදිය සහ දුරකථනය ස්ථාන දෙකක තිබීමත්, සිරුර පතල් වළක තිබීමත් හේතුවෙන් මෙම මරණය පිළිබඳව දැඩි සැකයක් මතුව ඇත.
කහවත්ත පොලීසිය මේ වන විටත් විද්යාත්මක සහ පාරිවේෂණ සාක්ෂි ඔස්සේ පුළුල් විමර්ශනයක් ආරම්භ කර තිබේ.
මෙය සැලසුම් සහගත ඝාතනයක්ද නැතිනම් වෙනත් අනතුරක්ද යන්න පිළිබඳ පශ්චාත් මරණ පරීක්ෂණයෙන් පසුව අනාවරණය වීමට නියමිතයි.
