අද (අප්රේල් 06) දහවල් 2.00 න් පසුව අපේ රටේ බොහෝ ප්රදේශවල අහස හදිසියේම වෙනස් වීමට නියමිතයි.
කාලගුණ විද්යා දෙපාර්තමේන්තුව අද උදෑසන නිකුත් කළ හදිසි නිවේදනයක් සමඟයි මේ අනතුරු ඇඟවීම සිදු කරන්නේ.
කාලගුණ අංශ පවසන පරිදි, උතුරු, නැගෙනහිර, උතුරු-මැද, මධ්යම සහ සබරගමුව පළාත්වලත්, පුත්තලම, ගාල්ල සහ මාතර දිස්ත්රික්කවලත් අද දහවල් 2.00 න් පසුව වැසි හෝ ගිගුරුම් සහිත වැසි ඇතිවීමේ ඉඩකඩක් තිබෙනවා.
ඒ වගේම බස්නාහිර පළාතේ සහ පුත්තලම, යාපනය වෙරළබඩ ප්රදේශවල අද උදෑසන කාලයේදීත් වැසි ඇති විය හැකි බවයි ඔවුන් පවසන්නේ.
මීට අමතරව මධ්යම, සබරගමුව සහ ඌව පළාත්වලත්, අම්පාර දිස්ත්රික්කයේත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් පවතිනවා.
පාරේ ගමන් කරන රියදුරන් මේ පිළිබඳව විශේෂයෙන් අවධානයෙන් පසුවන්න.
විශේෂයෙන්ම මෙම ගිගුරුම් සහිත වැසි සමඟ තාවකාලික තද සුළං සහ අකුණු ඇතිවීමේ දැඩි අවදානමක් පවතිනවා.
අකුණු මඟින් සිදුවිය හැකි අනතුරු අවම කරගැනීමට අවශ්ය පූර්ව ආරක්ෂක පියවර ගන්නා ලෙසටයි බලධාරීන් ඔබෙන් ඉල්ලා සිටින්නේ.
