ඉරානයට එරෙහිව ඇමරිකා එක්සත් ජනපදය සහ ඊශ්රායලය දියත් කර ඇති යුදමය ක්රියාමාර්ග හේතුවෙන් හෝමූස් සමුද්ර සන්ධියේ (Strait of Hormuz) නෞකා ගමනාගමනය අඩාල වීම ගෝලීය ආර්ථිකයට දැඩි බලපෑමක් එල්ල කරමින් ඇත
අර්බුදය හමුවේ භාණ්ඩ මිල ඉහළ යාමෙන් ලොව දෙවැනියට වැඩිම බලපෑමක් එල්ල වන රට බවට ශ්රී ලංකාව පත්ව ඇතැයි BBC Verify පර්යේෂණ වාර්තා පෙන්වා දී ඇත.
දෛනිකව නැව් සියය කට අධික සංඛ්යාවක් ගමන් කළ හෝමූස් සමුද්ර සන්ධිය හරහා සිදුවන ගමනාගමනය මේ වන විට අතලොස්සක් දක්වා පහත වැටී ඇති බව BBC Verify වාර්තා කරනවා.
මේ හේතුවෙන් ඉන්ධන සහ ගෑස් මිල ඉහළ යාමට අමතරව ස්මාර්ට්ෆෝන්, ඖෂධ සහ ආහාර වැනි අත්යවශ්ය භාණ්ඩවල මිල ගණන් ද ශීඝ්රයෙන් ඉහළ යාමේ අවදානමක් මතුව ඇති බවයි ඔවුන් පෙන්වා දෙන්නේ.
ගෝලීය කෘෂිකර්මාන්තයට අවශ්ය යූරියා, පොටෑෂ්, ඇමෝනියා සහ පොස්ෆේට් වැනි පොහොර අවශ්යතාවයෙන් තුනෙන් එකක් (1/3) පමණ සාමාන්යයෙන් ප්රවාහනය කෙරෙන්නේ මෙම සමුද්ර සන්ධිය හරහායි.
මාර්තු සහ අප්රේල් මාස උතුරු අර්ධ ගෝලයේ ප්රධාන වගා සමයන් වන බැවින්, පවතින පොහොර හිඟය වසර අග භාගයේ බෝග අස්වැන්න අඩු වීමට සෘජුවම බලපානු ඇති බවත් ඔවුන් සඳහන් කරනවා.
එමෙන්ම, හෝමූස් සමුද්ර සන්ධිය සම්පූර්ණයෙන් වසා දැමුවහොත් ගෝලීය තිරිඟු මිල 4.2%කින් සහ පලතුරු හා එළවළු මිල 5.2%කින් ඉහළ යා හැකි බව ජර්මනියේ Kiel පර්යේෂණ ආයතනය පෙන්වා දෙනවා.
Kiel ආයතනයේ දත්තවලට අනුව, හෝමූස් සමුද්ර සන්ධිය වසා දැමීමෙන් භාණ්ඩ මිල වැඩියෙන්ම ඉහළ යා හැකි රටවල් අතර ශ්රී ලංකාව පසුවන්නේ දෙවන ස්ථානයේයි.
සමස්ත ආහාර මිල ඉහළ යාම අනුව වඩාත් ම දරුණු ලෙස බලපෑමට ලක් වන රටවල් ලෙසින්, සැම්බියාව (30.7%), ශ්රී ලංකාව (15.3%), තායිවානය (12.5%), පාකිස්ථාන (11.4%)ක් ලෙස දැක්වෙනවා.
මූලාශ්රය | BBC
