හෝමාගම පෞද්ගලික විශ්වවිද්යාලයක අවුරුදු සාදය ලේ විලක් කරමින් 19 හැවිරිදි සිසුවෙකු මියයාමේ සිද්ධිය සම්බන්ධයෙන් පොලිස් පරීක්ෂණ වේගවත් කර ඇති අතර, සිද්ධිය වූ ස්ථානයෙන් අලුත්ම තොරතුරු කිහිපයක් වාර්තා වෙනවා.
මෙම පහරදීම සම්බන්ධයෙන් දැනට අත්අඩංගුවට ගෙන ඇති සැකකරුවන් පස්දෙනාම එම විශ්වවිද්යාලයේම ඉගෙනුම ලබන සිසුන් බව තහවුරු වී ඇත.
ඔවුන් සාදය පැවැති හෝටලයෙන් පලාගොස් සැඟවී සිටියදී පොලිස් බුද්ධි තොරතුරු මත මෙලෙස කොටු කරගෙන තිබේ.
මූලික පරීක්ෂණ වලට අනුව, මියගිය සිසුවාට සිසුන් පිරිසක් වට වී හිසට සහ පපුවට දැඩි ලෙස පහර දී ඇති බව වාර්තා වෙනවා.
රෝහල් ආරංචි මාර්ග පවසන්නේ බාහිර තුවාල වලට වඩා අභ්යන්තර ඉන්ද්රියයන්ට සිදු වූ බරපතළ හානි මරණයට සෘජුවම බලපා ඇති බවයි.
අදාළ පෞද්ගලික සාදය තුළ මත්පැන් භාවිත කර ඇති බවට පොලීසිය සැක කරයි.
සිසුවියකගේ පෞද්ගලිකත්වය සම්බන්ධයෙන් ඇති වූ බහින්බස්වීමක් මිනීමැරුමකින් කෙළවර වීමට අධික ලෙස මත්පැන් භාවිත කිරීම සහ ඉන් ඇති වූ ආවේගශීලී බව හේතු වන්නට ඇති බව විමර්ශන නිලධාරීන් පවසයි.
නිකදළුපොත ප්රදේශයේ පදිංචි මෙම තරුණයාගේ දේහය පිළිබඳ පශ්චාත් මරණ පරීක්ෂණය අද දින සිදු කිරීමට නියමිතය.
ඉන් අනතුරුව මරණයට නිශ්චිත හේතුව අධිකරණයට ඉදිරිපත් කිරීමට නියමිත බව සදහන්.
හෝමාගම පොලීසිය විසින් හෝටලයේ තිබූ CCTV දර්ශන පරීක්ෂා කරමින් පවතින අතර, පහරදීමට තවත් පිරිසක් සම්බන්ධ දැයි සොයා බැලේ.
