“සෙයිරි සතිය” නමින් නව වැඩපිළිවෙලක් රජය විසින් ක්රියාත්මක කිරීමට පියවර ගෙන තිබෙනවා . මෙම වැඩසටහන තුලින් රාජ්ය ආයතනවල ගොඩගැසී ඇති අනවශ්ය දෑ ඉවත් කෙරෙන අතර එම වැඩපිළිවෙල සැප්තැම්බර් මස පළමු දින සිට 4 දින දක්වා ක්රියාත්මක කිරීමට නියමිතයි.
එම සතිය තුළ රාජ්ය ආයතන ක්රියා කළ යුතු ආකාරය සම්බන්ධයෙන් මාර්ගෝපදේශ මාලාවක් ද රාජ්ය පරිපාලන, පළාත් සභා සහ පළාත් පාලන අමාත්යාංශය විසින් නිකුත් කර තිබෙනවා .
රාජ්ය ආයතන තුළ සිටින නිලධාරීන් හට තම රාජකාරී කටයුතු නිසි පරිදි නිදහස්ව සිදුකිරීමට සුදුසු පිරිසිදු හා සෞඛ්ය ආරක්ෂිත අනතුරුදායක නොවන වටපිටාවක් නිර්මාණය කරදීම අරමුණු කරගනිමින් මෙම වැඩපිළිවෙල ක්රියාත්මක කෙරේ .
ඒ සඳහා රාජ්ය පරිපාලන පළාත් සභා සහ පළාත් පාලන අමාත්යාංශ ලේකම්වරයා විසින් විශේෂ චක්රලේඛයක් නිකුත් කර තිබෙනවා .
එම විශේෂ චක්රලේඛය සියලු අමාත්යාංශ ලේකම්වරුන්, පළාත් ප්රධාන ලෙක්ම්වරුන්, දෙපාර්තමේන්තු ප්රධානීන්, දිස්ත්රික් ලේකම්වරුන්, රාජ්ය සංස්ථා හා ව්යවස්ථාපිත මණ්ඩල ප්රධානීන් වෙත යොමුකර ඇති බවයි සඳහන් වන්නේ .
ක්ලීන් ශ්රී ලංකා ජාතික වැඩසටහනට සමගාමීව මෙම වැඩසටහන ක්රියාත්මක කිරිමට නියමිතව ඇති අතර අවශ්ය දෑ සහ අනවශ්ය දෑ හඳුනාගැනීම හා අනවශ්ය දේ බැහැර කිරීම මෙහිදි සිදුකිරීමට නියමිතයි.
