අනතුරු 3642යි – මරණ 422යි – “ඔබ නිවසින් පිටවන්නේ ආපසු එන්නට මිස තවකෙකුගේ අවසන් ගමනට පාර කපන්නට නොවේ” – රිය අනතුරු ගැන ඇහෙන කතාව
වසරේ ගෙවුණු මාස දෙකක වැනි කෙටි කාලයක් තුළ මෙරට මහා මාර්ගවලින් ඇසෙන පුවත් කිසිසේත්ම සුබදායී නොවේ.
ශ්රී ලංකා පොලිසිය නිකුත් කළ නවතම දත්ත වාර්තාවලට අනුව, ගතවූ දින 60ක කාලය තුළ පමණක් අපට අහිමි වී ඇති ජීවිත සංඛ්යාව 422කි.
පොලිස් මාධ්ය කොට්ඨාසය පවසන පරිදි, ජනවාරි මස 01 වනදා සිට මාර්තු 02 වනදා දක්වා පමණක් රිය අනතුරු 3,642ක් වාර්තා වී තිබේ.
ඉන් මාරක රිය අනතුරු සංඛ්යාව 405කි. මෙහි ඇති බියකරුම පැත්ත නම්, මේ අනතුරු හේතුවෙන් අකාලයේ මෙලොව හැර ගිය පිරිස 422ක් දක්වා ඉහළ යාමයි.
මීට අමතරව:
බරපතළ තුවාල ලැබූ අනතුරු: 866
සුළු තුවාල ලැබූ අනතුරු: 1,730
දේපළ හානි සිදුවූ අනතුරු: 641
මෙම දත්ත දෙස බැලීමේදී පැහැදිලි වන්නේ දිනකට සාමාන්යයෙන් ජීවිත 6කට වඩා වැඩි ප්රමාණයක් මහමඟදී බිලිවන බවයි.
අධික වේගය, නොසැලකිලිමත් ලෙස රිය ධාවනය සහ මාර්ග නීති නොතකා හැරීම මේ සියලු විනාශයන්ට ප්රධාන හේතුව වී තිබේ.
ඔබ රිය අසුනට ගොඩවන්නේ හෝ මහමඟට බැස ගමන් කරන්නේ ඔබේ ආදරණීයයන් ඔබ එනතුරු මග බලා සිටින බව හොඳින්ම දැනගෙනයි.
නමුත් ඔබ අතින් සිදුවන සුළු හෝ අතපසුවීමකින් තවත් පවුලක එකම බලාපොරොත්තුව මහ පොළොවට පස් වී යාමට ඉඩ තිබේ.
මතක තබාගන්න, රියදුරු බලපත්රය යනු රිය පැදවීමේ අවසරය මිස තවත් අයෙකුගේ ජීවත්වීමේ අයිතිය උදුරා ගැනීමට දෙන අවසර පත්රයක් නොවේ.
පාරේ යන විට තමන් ගැන මෙන්ම අන් අය ගැනත් සිතන්න. සුළු මොහොතක ප්රවේශමය – ජීවිත කාලයක සතුටකි!
