අඩු මුදලට භාණ්ඩ ආනයනය කළ හැකි විදේශීය ඔන්ලයින් සේවාවක් වන Aliexpress ශ්රී ලාංකිකයන් අතර බෙහෙවින් ජනප්රිය සේවාවක් වන අතර, දින කිහිපයක සිට එම සේවාව මෙරටට භාණ්ඩ ආනයනය කිරීම නවතා දමා ඇතැයි සමාජ මාධ්ය තුළ කතාබහක් මතුව තිබේ.
එම සේවාව ඔස්සේ භාණ්ඩ ඇණවුම් කරන ලද බොහෝ දෙනෙකු තම ඇණවුම් නොලැබුණු බවට මැසිවිලි නගන අතර, ඒ හරහා ඇණවුම් කරන භාණ්ඩවල මිල ගණන් ඉහළ යාමක් මෙන් ම නැව් ගාස්තුවල ඉතා විශාල වැඩි වීමක් සම්බන්ධයෙන් සමාජ මාධ්ය සමූහවල අදහස් දක්වා ඇත.
මේ පිළිබඳව බීබීසි සිංහල සේවය කරුණු සොයා බැලූ අතර එහිදී පෙනී ගියේ Aliexpress සේවාව තවමත් මෙරටට ක්රියාත්මක බව ය.
එහෙත්, නොමිලේ නැව්ගත කිරීම (Free Shipping) නවතා ඇති බවත් භාණ්ඩ මෙරටට එවීමට අය කරනු ලබන නැව් ගාස්තු ඉහළ දමා ඇති බවත් නිරීක්ෂණය විය.
