අලුත් අවුරුදු නිවාඩුව නිම කරමින් යළි කොළඹ බලා එමින් සිටි අම්පාරේ පදිංචි එකම පවුලේ පිරිසක් අද (15) අලුයම බුත්තලදී අවාසනාවන්ත ලෙස මාරක රිය අනතුරකට මුහුණ දී තිබේ.
වැල්ලවාය – මොනරාගල ප්රධාන මාර්ගයේ බුත්තල, උනාවටුන ප්රදේශයේදී ඔවුන් ගමන් ගත් ත්රිරෝද රථය වෑන් රථයක මුහුණට මුහුණ ගැටීමෙන් මෙම අනතුර සිදුව ඇති බව වාර්තා වේ.
අනතුරින් ත්රිරෝද රථය පදවාගෙන ආ පියා එම ස්ථානයේදීම ජීවිතක්ෂයට පත්ව ඇති අතර, ඔහුගේ බිරිඳ සහ දරුවන් දෙදෙනා බරපතල තුවාල ලබා බුත්තල ප්රාදේශීය රෝහලට ඇතුළත් කර ඇත.
මෙලෙස අවාසනාවන්ත ලෙස මියගොස් ඇත්තේ අම්පාර ප්රදේශයේ පදිංචි නිශාන්ත දේවප්රිය බණ්ඩාර නැමැති අයෙකි.
නිවාඩුව නිමවී සුපුරුදු රාජකාරි සඳහා අම්පාරේ සිට කොළඹ බලා යමින් සිටියදී ඔවුන් මෙම ඛේදවාචකයට මුහුණ දී තිබේ.
අනතුර සම්බන්ධයෙන් බුත්තල පොලිසිය වැඩිදුර විමර්ශන සිදුකරන අතර, නිවාඩුව නිමවී ආපසු එන රියදුරන් වඩාත් විමසිලිමත් වන ලෙස පොලිසිය අවධාරණය කරයි.
