හෙට (26) දිනයේදී දිවයිනේ ප්රදේශ රැසක මිනිස් සිරුරට දැනෙන උණුසුම ”අවධානය යොමු කළ යුතු” මට්ටමක පැවතිය හැකි බව කාලගුණවිද්යා දෙපාර්තමේන්තුව නිවේදනය කරයි.
ස්වභාවික විපත් පිළිබඳ පූර්ව අනතුරු ඇඟවීමේ මධ්යස්ථානය විසින් අද (25) පස්වරුවේ නිකුත් කළ මෙම විශේෂ නිවේදනයට අනුව පහත ප්රදේශවල උණුසුම් දර්ශකය ඉහළ යා හැකිය.
පළාත්: බස්නාහිර, සබරගමුව, දකුණ සහ වයඹ.
දිස්ත්රික්ක: අනුරාධපුර, මන්නාරම, වවුනියාව සහ මොනරාගල.
මෙම තත්ත්වය හමුවේ මහජනතාව සෞඛ්ය උපදෙස් අනුගමනය කිරීම වැදගත් බවත්, ප්රමාණවත් තරම් ජලය පානය කිරීම සහ දැඩි හිරු රශ්මියට නිරාවරණය වීමෙන් වැළකී සිටීම සුදුසු බවත් එම දෙපාර්තමේන්තුව වැඩිදුරටත් අවධාරණය කරයි.
ජලය වැඩිපුර පානය කරන්න: පිපාසය දැනෙන තෙක් නොසිට නිතර ජලය පානය කරන්න.
සෙවනේ රැඳෙන්න: හැකි සෑම විටම එළිමහන් වැඩකටයුතු සීමා කර සෙවන ඇති ස්ථානවල රැඳෙන්න.
වැඩිහිටියන් සහ දරුවන් ගැන සැලකිලිමත් වන්න: අධික උණුසුම දරාගත නොහැකි පිරිස් කෙරෙහි වැඩි අවධානයක් යොමු කරන්න.
සුදුමැලි ඇඳුම් අඳින්න: සැහැල්ලු, සුදු හෝ ලා පැහැති ඇඳුම් භාවිත කිරීම උණුසුම පාලනයට උදව් වේ.
