ලෝකයටම සාමයේ පණිවිඩය රැගෙන යන “ඒහි පස්සිකෝ” ජාත්යන්තර සාම පාද යාත්රාවේ අවසන් දිනය අදයි (28).
පසුගිය 22 වන දින දඹුල්ලෙන් ආරම්භ වූ මෙම පා ගමන, ඊයේ දිනයේදී යක්කල සිට කැලණිය රජමහා විහාරස්ථානය දක්වා ළඟා විය.
අද දහවල් 12ට කැලණිය රජමහා විහාරස්ථානයෙන් ආරම්භ වන සාම පාගමන නිදහස් චතුරස්රය දක්වා ගමන් කිරීමට නියමිතය.
රාජ්ය උත්සවය: පස්වරු 4ට නිදහස් චතුරස්රයේදී ජනාධිපති අනුර කුමාර දිසානායක මහතාගේ ප්රධානත්වයෙන් විශේෂ රාජ්ය උත්සවයක් පැවැත්වේ.
එහිදී ජනාධිපතිවරයා විසින් පූජ්ය පඤ්ඤාකර හිමියන් ඇතුළු නියෝජිත පිරිස වෙත ශ්රී මහා බෝධීන් වහන්සේගේ අංකුර පැළයක් නිල වශයෙන් භාර දීමට නියමිතව ඇත.
නිදහස් චතුරස්රයේ සිට පස්වරු 5.30ට යළි ආරම්භ කෙරෙන පාගමන කොළඹ ගංගාරාම විහාරස්ථානයට ළඟා වීමෙන් පසු නිමාවට පත් වේ.
සාම පාද යාත්රාව හේතුවෙන් අද දිනයේ කොළඹ නගරයේ මාර්ග කිහිපයක විශේෂ රථ වාහන සැලැස්මක් ක්රියාත්මක කරන බව පොලිසිය පවසයි.
ඒ අනුව:
බණ්ඩාරනායක වටරවුමේ සිට බේස්ලයින් මාර්ගය හරහා බොරැල්ල හංදිය දක්වා.
කොළඹ ගංගාරාම විහාරස්ථානය අවට මාර්ග.
අද උදෑසන 11 සිට අවස්ථානුකූලව මෙම මාර්ගවල වාහන ගමනාගමනය සීමා කෙරෙන බැවින්, විකල්ප මාර්ග භාවිත කරන ලෙස පොලිසිය රියදුරන්ගෙන් ඉල්ලා සිටී.
