කෙන්යාවේ වෛද්‍ය ආධාර සපයන ගුවන් යානයක් (Air Ambulance) කඩාවැටී සිදු වූ අනතුරකින් පුද්ගලයන් 6 දෙනෙකු මියගොස් තවත් දෙදෙනෙකු තුවාල ලබා ඇති බව විදෙස් මාධ්‍ය වාර්තා කර සිටිනවා .
එරට වේලාවෙන් ඊයේ (7) ප.ව. 2:17ට විල්සන් ගුවන්තොටුපොළෙන් පිටත්ව ඇති මෙම මධ්‍යම ප්‍රමාණයේ ජෙට් යානය, සෝමාලිලන්තය බලා පියාසර කරමින් තිබියදී ප.ව. 3ට පමණ එරට අගනුවර වන නයිරෝබි අසල නේවාසික ප්‍රදේශයකට කඩාවැටී තිබුණා .
අනතුර සිදුවන අවස්ථාවේ නියමුවා ඇතුළුව පුද්ගලයින් සිවුදෙනෙක් යානයේ සිට අතර, ඔවුන් සියලු දෙනාට දිවි අහිමි වී ඇති බවයි සඳහන් වන්නේ .
සෙසු මියගිය දෙදෙනා යානය කඩාවැටෙන අවස්ථාවේ නේවාසික ප්‍රදේශයේ සිටි අය බව සඳහන්.
