වයඹදිග තුර්කියේ බාලිකෙසීර් පළාතේ රික්ටර් මාපක 6.1ක ප්‍රබල භූමිකම්පාවක් ඇති වී තිබෙනවා .
මෙම භූ කම්පනය එරට විශාලතම නගරය වන ඉස්තාන්බුල් ඇතුළු පළාත් කිහිපයකටම දැනී ඇති බවයි එරට විදෙස් මාධ්‍ය වර්තා කර සිටියේ .
තුර්කි ආපදා කළමනාකරණ ඒජන්සිය (AFAD) නිකුත්කළ නිවේදනයට අනුව එරට වේලාවන් ඊයේ (10) රාත්‍රී 7:53ට මෙම භූ කම්පනය සිදුව ඇති බව සඳහන් .
සිදු වූ හානිය සම්බන්ධයෙන් වැඩිදුර තොරතුරු වාර්තා නොවන අතර, දැනට එක් අයෙකු මියගොස් ඇති බව තුර්කි අභ්‍යන්තර කටයුතු අමාත්‍ය අලි යර්ලිකායා තහවුරු කර තිබෙනවා .
එමෙන්ම තවත් 29 දෙනෙකු තුවාල ලබා ඇති අතර, ගොඩනැගිලි 16ක් පමණ කඩාවැටී ඇත .
